Deputetja e PDK-së: Subvencioni prej 80 € nuk mjafton as për librat bazë, çmimet janë të papërballueshme

10:18 | 1 Shtator 2025
E.K

Sot ka nisur zyrtarisht viti i ri shkollor 2025/2026 në të gjitha institucionet publike dhe private të arsimit parauniversitar në Kosovë.

Me këtë rast, deputetja e Partisë Demokratike të Kosovës (PDK), Ariana Musliu-Shoshi, ka uruar nxënësit për një fillim të mbarë të vitit shkollor, por ka ngritur shqetësime lidhur me gjendjen në sektorin e arsimit.

Ajo ka theksuar se, për fat të keq, arsimi po shndërrohet në një barrë të rëndë financiare për prindërit, duke theksuar se subvencioni prej 80 eurosh nuk mjafton as për librat bazë, ndërkohë që çmimet vazhdojnë të jenë të papërballueshme.

Sipas saj, në treg librat shkollorë po shiten me dy çmime të ndryshme, duke shtuar paqartësitë dhe vështirësitë për familjet./Arbresh.info